Fyrir umhverfisvænni byggingar
Flotblöndur frá BM Vallá eru framleiddar hérlendis og taka mið af ströngum gæðakröfum og viðmiðum varðandi endingu, þjálni og þægindum við að leggja flotið. Flotið er þurrblanda og því þarf aðeins að bæta í blönduna réttu magni af vatni.
Allt gólfflot frá BM Vallá má nota fyrir Svansvottuð hús og byggingar sem eru í umhverfisvottun.
BM Vallá framleiðir þrjár tegundir af flotblöndum sem henta fyrir mismunandi gólffleti og notkun. Hægt er að fá flotið afhent í sílóum með dælubíl fyrir stærri verkefni eða í 25 kg pokum fyrir smærri verkefni.
Mikil áhersla lögð á gæðaprófanir, rannsóknir og eftirfylgni á verkstað. Þar af leiðandi fylgir fulltrúi frá BM Vallá allri flotdælingu eftir á verkstað, tekur prófanir, skrásetur og fylgist með hitastigi, þrýstings- og vatnsstyrk.
Allar mælingar eru skrásettar í gæðakerfi BM Vallá og er því rekjanleiki á framkvæmdinni til staðar ef á þarf að halda.
Flotin frá BM Vallá eru sérhönnuð fyrir ólíkar aðstæður og notkun. Flotin koma í þremur mismunandi tegundum, hvert með sína sérstöðu og eiginleika. Einnig er boðið upp á innflutt flot frá þýska framleiðandanum Sto.
Helstu eiginleikar
Gólfflot 3-15 er fín flotblanda ætluð til afréttingar á gólfflötum frá 3 mm til 15 mm þykkt (þunn-fleyting) og hentar því vel til að jafna áferð á láréttum flötum undir yfirborðsefni.
Notkunarsvið
Flotið hentar vel undir parket, flísar, dúka, málningu og lökk. Þá er hægt að nota það í húsnæði fyrir léttan iðnað.
Gólfflot 3-15 má eingöngu nota til innanhúsnota.
Þurrkunartími
Blandan er hraðharðnandi, en vinnslutími er um 20 – 30 mínútur.
Afhending
Hægt er að fá gólfflot 3-15 afhent í sílóum, sem hvert tekur um 20 tonn, og henta því vel fyrir stærri framkvæmdir. Afhendingartími er að jafnaði stuttur, en tekur mið af verkefnastöðu hverju sinni.
Hægt er að kaupa 25 kg poka í vefverslun, Múrverslun BM Vallár og í helstu byggingarvöruverslunum um land allt.
Helstu eiginleikar
Gólfflot 5-50 er sementsbundin fjölliðublönduð flotblanda sem er ætluð til afréttingar á gólfum frá 5 mm til 50 mm þykkt.
Notkunarsvið
Flotið hentar sérstaklega vel fyrir parket, flísar, dúka og málningu. Einnig er hægt að nota það í iðnaðarhúsnæði þar sem létt álag er á gólfi.
Gólfflot 5-50 má eingöngu nota til innanhúsnota.
Þurrkunartími
Blandan er hraðharðnandi, en vinnslutími er um 20 – 25 mínútur.
Afhending
Hægt er að fá Gólfflot 5-50 afhent í sílóum, sem hvert tekur um 20 tonn, og henta því vel fyrir stærri framkvæmdir. Afhendingartími er að jafnaði stuttur, en tekur mið af verkefnastöðu hverju sinni.
Hægt er að kaupa 25 kg poka í vefverslun, Múrverslun BM Vallár og í helstu byggingavöruverslunum um land allt.
Helstu eiginleikar
Flotmúr 20-70T er sementsbundið flot sem er sérstaklega ætlað ofan á gólffhitakerfi með einangrun. Það hentar því vel þegar fleyta á múrlag sem er allt að 7 cm þykkt.
Notkunarsvið
Flotmúr 20-70T er gróf blanda sem er ætluð til að gera þykkari múrlög á lárétta fleti með 20 til 70 mm þykktarsviði. Flotið hentar því vel á ójafnt undirlag, en til að ná sléttri áferð þarf einnig að þunnfleyta yfir gólfflötinn, t.d. með Gólffloti 3-15.
Þurrkunartími
Blandan er hraðharðnandi, en vinnslutími er um 20 mínútur.
Afhending
Flotmúr er sérpöntunarvara fyrir afhendingu í sílóum og afhendingarmöguleikar eru breytilegir.
Hægt er að fá flotmúr í 25 kg poka í vefverslun, Múrverslun BM Vallár og í helstu byggingarvöruverslunum
Vantar þig nánari upplýsingar um gæðamál, afhendingarfyrirkomulag, verðupplýsingar eða ráðleggingar um val á floti. Heyrðu þá í söluráðgjöfum okkar, þeir taka vel á móti öllum fyrirspurnum.
Psstt.. vissirðu að það er alltaf morgunkaffi í Múrverslun okkar á föstudögum! Þér er boðið! Endilega kíktu við!
Netfang: asgeir@bmvalla.is
Sími: 412 5043
